Long Distance Love Shayari un lamhon ki tasveer hai, jahan pyaar toh dil mein hota hai… lekin woh insaan paas nahi hota. Main Zoya — aur aaj main likh rahi hoon un jazbaaton ke liye jo door rehkar bhi rishton ko zinda rakhte hain.
Pichhli post mein humne Sad Feeling Shayari ke zariye dard ke gehre pehlu ko mehsoos kiya tha, lekin ab main baat karna chahti hoon us pyaar ki… jo har waqt, har faasle ke baad bhi mere dil ke itne kareeb hai jaise saans.
Toh chaliye, chhoti-chhoti yaadon, missed calls, aur adhuri mulaqaaton ke pyaar bhare safar ko shabdon mein utarte hain — kuch dil chhoo lene wali Long Distance Love Shayariyon ke saath…
Long distance relationship shayari in hindi
Kabhi subah hoti thi aapko dekh kar,
Aapko dekh kar hi chaand nikalta,
Ab aalam kuch yun hai mere mehboob,
Ki ye judaai ka mausam hai hume khalta.
Din ye kat jaate hain lekin,
Raatien chaand ko dekh kar hai kat ti,
Banglore se Delhi tak ki doori,
Saath samandar paar jaisi hai lagti.
Ye dooriyan leti hain,
Sabke pyaar ka imtihaan,
Unhe bhi saabit karna pada tha,
Jinohne kar di thi pyaar ki intehaan.
Aap wahaan aur hum yahaan hain, khushi ab kahaan hai,
Humne socha tha har subah hogi aapko dekh kar,
Ab lagta hai yun ki sooraj bhi wahaan hai, aap jahaan hai.
Sacchi mohabbat ke aage ye dooriyaan bhi haar jaayengi,
Patjhad ke mausam ke baad, jeevan mein phir bahaar aayegi.
Humare beech hai dooriyaan, lekin dilon mein pyaar hai,
Jana, ye humari nahi, in faaslon ki haar hai.
Na ghar ek, na gali ek, na shehar ek,
Phir bhi lagta hai ki tum dil ke paas ho,
Shayad isliye ki humara aasman hai ek.
Long Distance Love Shayari in Hindi
Humare beech ki ye doori ab sahi nahi jaati,
Sham savere ab sirf teri yaad hai aati,
Tere sath ki aadat lagi thi is kadar,
Mujhe in dinon apni saheliyan bhi nahi bhati.
Dil chahta hai ki ab mita doon ye faasle,
Dil chahta hai ki lag jaaun ab tere gale,
Tujhse mil.Kar fir kabhi na door jaaun main,
Sirf yahi sapna ab meri aankhon mein pale.
Kal raat chaand se poocha maine,
Ki kya hai mere mehboob ka haal,
Chaand ne muskura kar poocha,
Kya har roz karogi ek hi sawal?
Hum dono shayad do parallel line ki tarah hain,
Saath chal to rahe hain, par na jaane milenge kab.
Ye dooriyan humein thoda aur nazdeek layengi,
Darmiyaan rehkar, pyaar hamara badhayengi,
Saath rehne ka waada kiya tha hum dono ne,
Kuch milo ki dooriyan kya humein juda kar payengi.
Whatsapp Status Shayari for Long Distance Love
Juda ho tum, par hamesha ho mujhmein shaamil,
Faslon ke baad bhi, hamara ishq hoga kaamil.
In dino koi aur khyaal mujhe aata nahi,
Tumhare alava ab chehra kisi ka bhata nahi,
Ab is kadar door ho tum meri nazaron se,
Aapko dekhe bin yeh chehra muskurata nahi.
Ye dil kuch aawaara ho gaya hai,
Jeevan mera kuch banjara ho gaya hai,
Tum kuch door kya gaye is shehar se,
Yahan dushwaar guzara ho gaya hai.
Ye dil aksar soch mein doob jata hai,
Tum paas hote to kuch aur hote afsane,
In faslon ke kaaran, sanam,
Dil ga raha hai dooriyon ke fasane.
Rab se har roz yahi fariyaad karti hoon,
Jald tumse milne ki aas karti hoon,
Ek din bhi nahi guz.Rata aisa sanam,
jis din na main tumhe yaad karti hoon.
Tera naam likh likhkar bhar diya,
apni diary ka har ek safa,
jab bhi dhadakta hai ye dil,
tumhe yaad karti hoon main har dafa.
Instagram Shayari for Long Distance Relationship
Fasle dilon mein nahi, bas raaston mein hai,
tujhe mehsus karta hoon har pal in saanson mein.
Fasle dilon mein nahi, bas raaston mein hai,
tujhe mehsus karta hoon har pal in saanson mein.
Meelon ki doori hai, par tera pyar paas hai,
isliye ye rishta khaas hai.
Na tere kareeb hoon, na tujhse door,
bas dil mein basa liya hai tujhe zaroor.
Door rahkar bhi tu mere dil ke paas hai,
teri yaadein hi to meri sabse badi saugat hai.
Teri baaton se din ban jata hai,
aur teri yaadon se raat saj jati hai.
Zindagi mein tu door hai par ehsason mein paas hai,
tujhse hi meri har subah aur har raat hai.
Miss You Shayari for Long Distance Partner
Door rahkar bhi tu meri jaan hai,
meri har khushi aur muskan hai.
Tujhse milne ki tadap har pal hoti hai,
ye mohabbat ab aadat si ho gai hai.
Door hokar bhi teri maujoodgi mehsus hoti hai,
tu paas nahi par dil mein basi hoti hai.
Har raat tujhe yaad karke sota hoon,
teri baaton mein hi khud ko khota hoon.
Door rehkar pyaar nibhaana aasaan nahi hota… lekin har message, har yaad, har intezaar mujhe yeh yaqeeb dilata hai ki woh ab bhi mera hai. Meri yeh Long Distance Love Shayariyaan un sabke liye hain — jinka pyaar unki aankhon ke saamne nahi, lekin har heartbeat mein zinda hai.
Agar aap bhi kisi doori ko jee rahe ho, toh meri shayariyaan aapke dil ki aawaaz ban jaayengi.
Agli baar, Zoya wapas aayegi ek aur pyaar bhare ehsaas ke saath — ho sakta hai firr mulaqaat ho, ya sirf ek yaad hi saathi ban jaye…
Tab tak, dooriyon mein bhi pyaar mehsoos karte rahiye.
