Bhai Bhen Ke Liye Shayari – Dil Ko Chhoo Jaane Wale Jazbaat
Bhai aur behen ka rishta duniya ke sabse pyaare rishton mein se ek hota hai. Thodi si nok-jhok, thoda sa pyaar aur dher saari yaadein – yahi hoti hai bhai bhen ki duniya. Jab alfaazon mein apne jazbaat bayan karne ho, tab Bhai Bhen Ke Liye Shayari sabse behtareen zariya hoti hai.
Is blog mein aapko milengi dard bhari, emotional aur funny shayari bhai bhen ke rishte par – jisse aap Instagram, WhatsApp ya kisi special occasion par apne bhai ya behna ke saath share kar sakte ho. Raksha Bandhan, Bhai Dooj ya kisi bhi din jab aap apne rishte ko express karna chahein – yeh shayariyaan aapke jazbaat ko chhoo lengi.
Agar aap Google par “bhai bhen ke liye emotional shayari”, “raksha bandhan shayari”, ya “brother sister shayari in Hindi” dhoondh rahe ho, toh yeh collection aapke liye perfect hai.
Bhai kitna bhi tang kar le behnon ko,
Magar behnon ki jaan hote hai bhai!
Bhai behen ki shaan hoti hai…
Aur behen bhai ki jaan hoti hai!
Bhai behan ki yaari sabse pyari,
Sab par bhari hai ye jodi humari!
Behnein jeevan ke bageeche me,
Phool ki tarah hoti hain..!
Behen bhai ki ladai me tab tak maza nahi aata,
Jab tak behen apne udhar diye huye paise wapas na maang le!
Bachpan me shararat karne ka irada na hota,
Behen tum na hoti to bachpan itna pyara na hota!
Phoolon ka taaron ka sabka kehna hai,
Ek hazaron mein meri behna hai!
Pyar mein yeh bhi jaruri hai,
Bhai behnon ki ladai ke bina zindagi adhuri hai!
Bhai behan shayari in hindi
Jaan kehne wali koi GF ho ya na ho par,
Oye Hero kehne wali ek behen zarur honi chahiye!
Jo kabhi na saath chhode,
Behen tum vo parchai ho!
Khushnaseeb hote hai wo bhai behen jinke hisse me,
Bhai aur behen dono ka pyar hota hai!
Bhai behen ka pyar sacche pyar ki misal hai,
Jinke rishte me kabhi koi swarth nahi hota!
Ek behen ka chhota bhai hona,
Sabse pyari Feeling hai!
Kisi ke zakham par chahat se patti kaun bandhega,
Agar behenen nahi hongi to rakhi kaun bandhega!
Ladti hai jhagadti hai lekin,
Behen meri mujhse pyaRa bahut karti hai!
Zamane bhar ke rishton se mujhe kya lena-dena,
Jab mere paas hai tere jaise bahana!
Mere bure haalat se ladne ke liye,
Mere paas mera bhai hai na!
Bhai chota ho ya bada,
Behen ki care jarur karta hai!
Rakhi shayari in hindi
Ghar bhi mahak uthata hai,
Jab behen muskurati hai..!
Ek bhai ke liye uski behen hamesha
Best Friend hoti hai!
Bahut chanchal, bahut khushnuma si hoti hai behen,
Nazuk sa dil rakhti hai masoom si hoti hai behen..!
Ek behen ke liye uska bhai hamesha jaruri hota hai,
Fir chahe wo saga ho ya muh bola!
Badi ho to maa baap se bachane wali,
Choti ho to hamare peeth piche chupne wali..!
Jab ek behen pareshan hoti hai,
To dusri behen uski pareshani par pareshan ho jati hai..!
Aasman par sitare hain jitne utni zindagi ho teri,
Kisi ki nazar na lage duniya ki har khushi ho teri!
Bhai behan quotes in hindi
Dusre ki behen ke bare me utna hi bolo,
Jitna khud ki behen ke bare me sun sako !
Duniya ki har khushi tujhe dilaunga,
Main apne bhai hone ka har farz nibhaunga!
Bhai ke liye mangti hun dua me har sham savere,
Meri sari khushiyan uski aur sare gam mere!
Kahan naseeb hote hain ye rishte sabko,
Khushnaseeb hota hai woh bahan jo millti.Jisko..!
Ai khuda, meri duaon mein itna asar rahein,
Phoolon se bhara sada meri behna ka ghar rahein..!
Ai rab, meri duaon mein asar itna rahe,
Meri behen ka daman hamesha khushiyon se bhara rahe!
Tum bahut pyare ho,
Isliye to bhai humare ho!
Maa ke baad agar koi fikr karta hai,
To badi behen hoti hai..!
Khuda kare behen teri har chahat puri ho jaye,
Hum tere liye jo dua karen wo usi waqt puri ho jaye..!
Koi chahe to kitna bhi lad jhagad le,
Aakhirkaar ek bhai uski behen ki jaan hi hota hai!
Funny bhai behan shayari
Ghar mein bhai chahe jitne bhi bade kyun na hon,
Har ghar mein ek hitler behen to zarur hoti hai..!
Mujhe apne bhai par hai vishwas, aastha,
Isliye mujhe har kadam par milta hai sahi raasta!
Bhaiyo ko tang karne mein jo maza hai,
Wo kisi aur ko tang karne mein nahi..!
Meri behen hai meri shaan,
Is par sab kuch kurban..!
Behen ko vo bhi pata hota hai,
Jo hum unse Share nahi karte ..!
Tum puri duniya ko chakma de sakte ho,
Par apni behen ko nahi..!
Behenen hone ka matlab hai ki,
Aapke paas hamesha ek backup hai..!
Behen teacher bhi hoti hai,
Aur dost bhi..!
Brother sister shayari
Jab mere paas meri fikr karne wale bhai hai,
To main duniya walo se kyu daru..!
Behna terHar gam ko apna banaunga main,
Khud ro kar bhi tujhko hasaunga main..!
Aksar yaad aa jata hai wo beeta hua lamha,
Teri pyari si aawaz mein bhai kehkar bulana,
School ke liye tera mujhko jagana,
Aur mujhe maa papa ki daant se bachana!
Jo baandh kar kalaai par dhaga,
Maut ko rok deti hai,
Wo behen bade naseebo se milti hai!
Bachpan humara kitna khas hota hai,
Jab do bhai behen ka saath hota hai,
Zindagi mein koi kami nahi reh jaati,
Jab bhai apni behen ke paas hota hai!
Funny bhai behan shayari
Mangi thi dua humne rab se,
Dena mujhe ek pyari behen jo alag ho sabse,
Us khuda ne de di ek pyari si behen,
Aur kahan sambhalo anmol hai sabse!
Bhagwan ne jab duniya ko banaya hoga,
Tab is baat se zaroor ghabraya hoga,
Kaise khyaal rakhunga main in ladkiyon ka,
Tab usne sab behno ke liye bhai banaya hoga!
Tum sada haste raho karodon ke beech mein
Fool ki tarah khilte raho lakho ke beech mein
Naam roshan rahe aapka hazaro ke beech mein
Rehta hai jaise hamesha chand sitaaron ke beech mein !
Behen chahe sirf pyar-dular,
Nahi maangti bade uphaar,
Rishta bane rahe sadiyon tak,
Mile bhai ko khushiyan hazar..!
Rulana har kisi ko aata hai,
Mana bhi har koi leta hai,Magar jo rula kar mana le vo bhai,
Aur jo rula kar khud ro pade vo behen..!
Behen ka pyaar kisi dua se kam nahi hota
Vo chahe door bhi ho to koi gam nahi hota,
Aksar rishte dooriyon se fike pad jate hai,
Par bhai behen ka pyaar kabhi kam nahi hota!
Khush naseeb hain vo behen jiske
Sir par bhai ka haath hota hain
Chahe kuch bhi haalat ho,
Ye rishta humesha saath hota hai!
7 saal ke bhai se 5 saal ki behan poochti hai,
Pyaar kya hota hai?
Bhai ne pyara sa uttar diya aur kaha,
Tum har roj mere bag mein se chocolate kha jaati ho.
Lekin mein fir bhi wahi rakhta hoon,
Yeh pyaar hai!
Behan ke liye shayari
Keval bhai ka hi rishta aisa hota hai,
Jo pita ki tarah daant sakta hai.
Maa ki tarah dulaar kar sakta hai,
Dost ki tarah mushkil mein khada rah sakta hai!
Bhai aur behen ke pyaar mein bas itna antar hai,
Ki rula kar jo mana le vo bhai hai,
Aur rula kar khud ro pade vo hai behan…!
Aaj din bahut khaas hain,
Behen ke liye kuch mere paas hai,
Uske sukoon ke khatir o behena,
Tera bhai humesha tere aas-paas hai!
Valentine day par girlfriend na ho to chalta hai,
Lekin Rakshabandhan par behen na ho to…
Bahut farak padta hai.
Rishta Wahi, Shayari Nayi – Bhai Bhen Ka Pyar Hamesha Sacha Hota Hai
Umeed hai ki aapko yeh Bhai Bhen Ke Liye Shayari ka collection pasand aaya hoga. Shayari sirf likhne ke liye nahi hoti – yeh dil ke sabse gehre jazbaat ko chhune wali kala hai. Bhai behan ke rishton mein jo pyar, tiffin ka jhagda, rakhi ki mithaas aur bachpan ki shararatein hoti hain, un sab ko humne is page par alfaazon mein utara hai.
Aap in shayariyon ko apne WhatsApp status, Raksha Bandhan wishes, ya Instagram reels ke caption ke roop mein use kar sakte ho. Chaahe aap chhoti behan ho ya bada bhai – yahan har kisi ke liye kuch khaas hai.
Agar aapko aur bhi brother sister shayari in Hindi, emotional rakhi quotes, ya pyar bhari dard bhari bhai behan ki shayari chahiye, toh hamari website par naye updates zarur check karein.
Bhai bhen ka rishta nafrat se door, pyaar se bhara ek pavitra bandhan hota hai – aur is bandhan ko mazboot banane ka ek tareeka hai, dil se likhi shayari.
